Pinaghahanap na ngayon ng mga pulis sa Brazil ang isang santa claus sa Sao Paulo na nagnakaw ng isang helicopter.
Ayon sa Sao Paulo State Security Secretariat, nirentahan ng kawatan ang isang helicopter ng isang air taxi service noong Biyernes sa Campo Marte Airport para daw sana sa black friday surprise.
Habang nasa ere, pinwersa umano ni Santa claus ang piloto ng helicopter na tumungo sa isang maliit na bukid sa labas ng Sao Paulo city kung saan may kinatgpo itong isa pang tao.
Doon na raw itinali ang piloto at saka pinalipad ng 2 kawatan ang helicopter.
Makalipas ang ilang oras, nagawang makatakas ang itinaling piloto at inalerto ang mga pulis.
Isang Robinson model 44 ang nasabing helicopter na ninakaw ng mga kawatan.
By: Jonathan Andal
