Pinaplantsa na ni Atty. Larry Gadon ang isasampa niyang reklamo laban sa isang hindi pinangalanang oligarch na nagtatangka umanong manuhol sa mga senador para i-absuwelto si Supreme Court Chief Justice Maria Lourdes Sereno.
Batay sa natanggap na impormasyon ni Gadon, aabot sa tig-dadalawampung milyong piso kada senador ang balak ipanuhol ng nasabing oligarch.
Giit pa ng abogado, palagi aniyang nananalo sa mga kaso ang nasabing oligarko sa ilalim ng sala ni Sereno subalit tumanggi na siyang magbigay pa ng kaukulang detalye hinggil dito.
Pero sa kabila nito, kumpiyansa ang abogado na hindi magpapasuhol ang mga senador na siyang tatayo bilang senator judges sakaling matuloy na ang impeachment trial laban sa Punong Mahistrado.
—-
