Tatanggap ng returning overseas filipinos (ROFs) ang Manila Coronavirus Disease o COVID-19 Field Hospital sa Luneta, Maynila.
Layunin ng naturang ospital na makumpleto ng mga pilipinong magbabalik bansa ang kanilang “isolation procedure” bilang hakbang sa muling pagtaas ng impeksyon dulot ng COVID-19.
Nabatid na ang naturang ospital ay kumpleto sa mga kagamitan at mayroong 344 beds na inilaan para sa mga “mild at asymptomatic” patients at mga overseas filipinos.
Samantala, nagbabala naman ang Manila City Government sa ilang mga hotel na kanilang ipasasara ang mga lumalabag sa ipinatutupad na guidelines at protocols ng Inter-Agency Task Force (IATF). —sa panulat ni Angelica Doctolero
