Ipinahahanap na ni Pangulong Rodrigo Duterte ang isang Pilipina na may isang taon nang nawawala sa Saudi Arabia.
Kaugnay nito, nasa Saudi Arabia na ang grupo ng Department of Foreign Affairs o DFA upang hanapin si Diosalyn Seva.
Ayon sa kapatid ni Seva na si Sergeant Michael Joe Fabian, personal niyang hiniling ito kay Pangulong Duterte noong bumisita ang Pangulo sa mga sugatang sundalo sa V-Luna Hospital noong Agosto.
Batay sa impormasyong nakalap ng DFA, isang taon nang nawawala si Seva makaraan niyang iwan ang amo dahil sa umano’y pagmamaltrato at paglabag sa kanyang kontrata.
By Avee Devierte
