Isang Filipino ang arestado sa Ninoy Aquino International Airport Terminal 3 matapos tangkaing magpuslit ng high grade cocaine sa bansa.
Kinilala ang pasahero na si Jon Jon Timbang Villamin Jr., 22 anyos, na dumating sa Terminal 3 lulan ng Emirates Airlines mula Brazil, kagabi.
Tinatayang 4.8 kilo ng cocaine na hindi pa mabatid ang halaga ang narekober sa bag ni Villamin nang mahuli ng mga awtoridad.
Setyembre 24 nang magtungo sa Hong Kong si Villamin bilang turista at matapos ang dalawang araw ay bumiyahe sa Rio de Janeiro, Brazil.
Inaalam na kung saang bansa ang huling idedeliver ang nasabing droga.
Nakatakda namang sampahan ng kasong paglabag sa Comprehensive Dangerous Drugs Act of 2002 si Villamin, ngayong araw.
By Drew Nacino | Raoul Esperas (Patrol 45)
