Nang-agaw ng armas ng pulis kaya napatay ang isang preso sa Davao City.
Dead on arrival sa Jose Robillo Hospital si Renuel Habillo, 31 taong gulang at isang magsasaka.
Pahayag ni Police Maj. Archimedes Wesley, hepe ng Calinan Police Station, isasalang sana sa fingerprint processing si Habillo ngunit bigla na lang umanong inagaw ang baril ng kanyang escort na pulis.
Nagkataon namang narinig ng isa pang pulis ang komosyon hanggang sa bumunot ito ng baril at pinaputukan sa ulo si Habillo.
Una rito, hinuli si Habillo dahil sa dalawang bilang ng kasong murder na isinampa laban sa kanya makaraan umanong pagtatagain ang isang mag-ina sa Calinan District.
