Iniimbestigahan na ang isang pulis matapos umanong tutukan nito ng baril at bantaan ang dalawang sibilyan sa isang traffic incident sa Taguig City.
Ayon kay National Capital Region Police Office Chief Major General Felipe Natividad, hindi nila kukunsintihin ang anumang uri ng paglabag sa batas at pag-uugaling ito ng kanilang tauhan at iimbestigahang mabuti ang insidente at pananagutin ang dapat managot.
Kung saan batay sa ulat, sinipa ng isa sa mga sibilyan ang motorsiklo ng pulis at tinutukan naman ng pulis ng pistol ang mga sibilyan at inutusang dumapa.
Gayunpaman, ayon kay Natividad hindi ito sapat na dahilan para ilabas ng isang pulis ang kanyang armas.
