Aabot sa 17 pamilya ang naapektuhan ng sunog na naganap sa Matandang Balara, Quezon City kagabi.
Ayon sa Command Post ng Bureau of Fire Protection, idineklara ang unang alarma pasado alas-7 ng gabi at idineklarang fire out mag-aalas 9.
Mabilis namang nakalikas ang mga residente sa lugar bitbit ang ilang gamit at mga alagang hayop.
Batay sa imbestigasyon ng mga otoridad, electrical fault ang dahilan ng sunog.
Wala namang napa-ulat na nasugatan, maliban sa nadulas at nahilong indibidwal na ngayon ay nasa maayos nang kalagayan.
