Patay ang isang retired flight attendant sa Teresa, Rizal.
Nagtamo ng gunshot wound sa kanyang ulo ang biktimang si Rosalie Garcia, 53-anyos na sanhi ng kanyang kamatayan.
Kwento ng kapatid ng biktima, dumating siya sa bahay ng kapatid mag-aalas-2:00 ng hapon kahapon dahil may usapan silang manananghalian.
Nagtaka aniya siya dahil walang nagbubukas ng gate at napansing niyang bukas ang bintana.
Narekober sa crime scene ang dalawang fired bullet, pero hindi pa matukoy ng mga otoridad kung anong uri ng baril ang ginamit.
Pagnanakaw ang hinihinalang motibo sa pagpatay sa biktima.
By Meann Tanbio
