Patay ang isang retiradong police general matapos pagbabarilin sa barangay Nalsian sa Calasiao, Pangasinan.
Kinilala ang biktima na si Ret. Police Brig. Gen. Marlou Chan.
Batay sa inisyal na imbestigasyon sakay si Chan ng kaniyang pick-up nang mangyari ang pananambang ng dalawang lalaking sakay ng motorsiklo.
Nagtamo ng mga tama ng bala sa katawan si Chan at nagawa pa itong itakbo sa ospital ngunit binawian rin ng buhay.
Kasalukuyang nagiimbestiga na ang mga otoridad hinggil sa pagkakilanlan ng mga salarin at motibo ng mga ito sa pagpaslang.
