Sugatan ang isang sibilyan sa pagsalakay ng mga hinihinalang miyembro ng Bangsamoro Islamic Freedom Fighters o BIFF sa dalawang magkahiwalay na insidente sa mga sundalo sa North Cotabato at Maguindanao noong bisperas ng bagong taon.
Ayon sa ulat, nasugatan ang ‘di pinangalanang biktima matapos siyang tamaan ng shrapnel.
Hindi bababa sa apatnapung armadong kalalakihan ng pawang mga miyembro ng BIFF ang sumugod sa army detachment ng Alpha Company ng 34th infantry battalion na nasa barangay nabalawag, sa bayan ng Midsayap, North Cotabato.
Tumagal ng tatlumpung minuto ang naturang engkwentro.
Dakong alas-6:00 ng gabi ng Sabado, may mga hinihinalang miyembro rin ng BIFF na sumalakay naman sa 21st mechanized company sa barangay Elian sa Datu Saudi-Ampatuan sa Maguindanao.
By MeAnn Tanbio
