Isang sundalo ang binihag ng hinihinalang miyembro ng Abu Sayaf sa barangay Igasan sa bayan ng Patikul, lalawigan ng Sulu.
Kinilala ni Joint Task Force Sulu Commander Brig/Gen. Cirilito Sobejana ang biktimang sundalo na si Staff Sergeant Anni Siraji mula sa 32nd Infantry Battalion.
Alas nueve y medya ng umaga kahapon nang dukutin umano ng pitong armadong lalaki si Siraji na isang dating rebeldeng Moro na nagbalik loob sa pamahalaan.
Kilalang kuta ng mga bandido ang Sulu kung saan nakatuon ngayon ang operasyon ng militar para pulbusin ang grupo.
By: Jaymark Dagala
