Patay ang isang tinedyer matapos umanong pagtulungang bugbugin ng mga miyembro ng Israeli Forces sa Ramallah, Palestine.
Ayon sa Palestinian health ministry, ang biktimang si Amer Abedalrahim Snobar ay dumating sa ospital na maraming pasa at injuries sa iba’t ibang parte ng katawan na siyang ikinasawi nito.
Sinasabing rumesponde sa isang insidente ang mga sundalo matapos umanong batuhin ang isang sasakyan ng army kung saan si Snobar ang suspek.
Giit naman ng Palestine Liberation Organization (PLO), ang tanging kasalanan lamang ni Snobar sa mga Israeli troops ay ang pagiging Palestinian ng biktima.
