Lumubog ang isang tugboat na ginagamit na panghatak ng mga barko sa baybaying sakop ng Bataan.
Ayon sa Bataan Coast Guard, tumaaob ang M/Tug Seafront sa may sampung metro ang layo mula sa pier sa Mariveles.
Wala namang napaulat na nasaktan bagamat nagdulot ang insidente ng oil spill.
Lumalabas na nahatak ng papaalis na dayuhang barko ang naturang tugboat na naging dahilan ng pagtaob nito.
