Isang cigarette vendor mula sa Paranaque City ang pinakabagong milyonaryo matapos manalo sa Grand Lotto 6/55 draw nitong nakalipas na September 14
Ayon kay PCSO General Manager Alexander Balutan ginamit na kumbinasyon ng Singkuwentay Dos anyos na lalaking may tatlong anak ang kaniyang celfon number at tumayo ng kuwarenta pesos sa grand lotto
Ang bagong milyonaryo ay dalawang taong nang nagbabaka sakaling manalo sa lotto bago nakuha ang winning numbers combination sa Grand Lotto na 08, 09, 16, 19, 31 at 41
Sinabi ng nanalong lotto bettor na gagamitin niya ang kaniyang premyo para bumili ng bahay at lupa para sa kaniyang pamilya at bahagi ng kaniyang panalo ay gagamitin niya sa negosyo at iipunin para sa kinabukasan ng kaniyang mga anak
By: Judith Larino
