Kinondena ng University of the Philippines Los Banos (UPLB) ang video na inilabas umano ng task force ng pamahalaan na nag-uugnay sa mga estudyanteng nagpoprotesta sa komunistang grupo.
Ayon sa UPLB, ang inilabas na video ng National Task Force to End Local Communist Armed Conflict ay lumang kuha mula sa isang protesta sa UPLB campus habang isa namang ina ang nagsasalaysay ng karanasan ng kaniyang anak matapos itong sumali sa Anakbayan.
Malinaw umano na ito ay isa lamang propaganda para idiin ang mga estudyante ng unibersidad at mga organisasyon nito na sila ay kabilang sa mga komunistang grupo.
