Timbog ang isang wanted person matapos kumuha ng travel pass sa Masambong Police Station 2, Quezon City.
Ayon sa police report, kinilala ang wanted na si Regino Tejada, 32 anyos.
Batay sa ulat, nang na-verify sa computer records ni Tejada bumungad na may warrant of arrest mula kay Judge Josephus Joannes Asis ng Metropolitan Trial Court Branch 40 dahil sa kinakaharap nitong kasong serious physical injuries.
Sa ngayon, nasa kustodiya na ng Masambong Police Station si Tejada at nakatakdang ipasakamay sa court of origin para sa kaukulang disposisyon. — sa panulat ni John Jude Alabado
