Magsasama sa unang pagkakataon ang dalawang pop superstars na sina Jennifer Lopez at Shakira.
Ito ay para sa inaabangang U.S. Super Bowl halftime show na gaganapin sa Pebrero.
Ginamit ng Fox Sports ang kanilang Twitter account para ianunsyo ang pagsasama ng dalawa sa tinaguriang ‘world’s biggest stage’.
Nagpakita naman ng excitement ang dalawang singer.
Tinawag na ‘true American dream’ ni Shakira ang event samantalang hindi naman makapaghintay si J-Lo na ipakita sa mundo ang kanilang performance.
Ang Super Bowl half time show ay dinadaluhan ng ilan sa pinakamalalaking pangalan sa larangan ng musika sa Hollywood katulad nina Bruno Mars, Maroon 5, Madonna, Prince, Lady Gaga at Beyonce.
