Patay ang isang jail guard matapos barilin ng 3 bilanggo na pumuga sa Balayan Municipal Jail sa Batangas.
Nakilala ang mga nakatakas na inmates na sina Ajie Mendoza, Marvin Seralbo at Jessie Pega.
Sinasabing inagaw ng tatlong suspek ang baril ni Senior Jail Officer Leonardo de Castro at binaril ito sa ulo.
Dead on arrival sa Madonna General Hospital si De Castro habang kritikal naman ang kondisyon ng isa pang pulis na si PO3 Roderick Botavara.
Naglunsad na ng manhunt operations ang pulisya laban sa mga nakapugang preso habang iniimbestigahan na ang naturang insidente.
By Jelbert Perdez
