Humingi ng paumanhin ang singer na si Jake Zyrus sa mga taong naiinis dahil sa umano’y pangit niyang mukha.
Sa isang post ni Jake sa kanyang Twitter account, sinabi nitong kahit pa naiinis ang mga ito sa kanya, mahal niya aniya ang kanyang pangit na mukha at katawan.
Dagdag pa ni Jake, hindi niya sinasadyang sirain ang mood ng mga taong naiinis sa kanya.
Kasabay ng naturang tweet, makikita din ang kanyang close-up photo na nakangiti.
I apologise for those who feel annoyed because of my ugly face. But i love my ugly face and my ugly body. I don’t mean to ruin your mood. pic.twitter.com/WqT2TQ7nsq
— Jake Zyrus (@jakezyrus) November 1, 2017
Umani naman ang post ni Jake ng iba’t ibang reaksyon mula sa netizens.
Matatandaang noong Hunyo ay isiniwalat ng 25-anyos na singer ang pagbabago ng kanyang pangalan, mula Charice Pempengco sa Jake Zyrus.
Kasunod nito ay nagpahayag din si Jake na bukas siya na sumailalim sa gender reassignment.
