Itinanggi ni Raquel Pempengco ang pahayag ng anak na si Jake Zyrus na maayos na ang kanilang relasyong mag-ina.
Aminado si Raquel na simula nang umalis sa kanyang poder si Charice ay wala itong natanggap na kahit anong mensahe mula sa international singer.
Kung pagri-reach out naman anya ang paksa, pagod na pagod na umano si ,Mommy Raquel na suyuin ang kanyang anak dahil hindi naman ito hinaharap ni jake.
Anya, habang nagpupursige siya na maka-usap ang anak, tila lumalayo naman ito at walang mangyayaring pagtatagpo.
Sa kabila nito, umaasa si Raquel na kahit paano ay magkakasalubong sila ni Charice at magkakausap upang maplantsa ang anumang gusot sa pagitan nilang mag-ina.
