Iprinoklama na bilang susunod na kongresista ng first district ng Iloilo si dating health secretary Janette Garin matapos manalo noong May 13 midterm elections.
Ito ay sa kabila na rin ng kinahaharap na mahigit tatlumpung (30) kaso kaugnay ng kontrobersiya sa dengvaxia vaccine.
Tinalo ni Garin sa posisyon si dating Miag-ao, Iloilo Mayor Gerardo Flores at papalitan sa pwesto ang asawang si incumbent congressman Oscar Richard Garin Jr.
Magugunitang noong Pebrero lamang, sinabi ng Department of Justice (DOJ) na kanilang nakitaan ng probable cause si Garin at iba pang mga opisyal dahil sa kontrobersiya sa dengvaxia.
