Nabunyag na nakipagpulong umano ang aktres na si Janine Gutierrez sa ilang executives ng ABS-CBN, kasama si “Fan Girl” leading man Paulo Avelino.
Sinasabing nangyari ang dinner meeting ilang araw matapos mapabalitang lilipat na si Janine sa Kapamilya network.
Nabatid na mismong ang manager nina Janine at Paulo na si Leo Dominguez ang nag-post ng larawan sa social media ukol sa nabanggit na pagpupulong.
Nagpasalamat naman si Dominguez kay Deo Endrinal sa aniya’y “congratulatory dinner” para sa kanyang mga alagang artista.
Gayunman, wala nang ibang detalyeng binanggit si Dominguez ukol sa nasabing dinner.
