Papatayuan ng Japan ang Pilipinas ng apat na coast guard radar sa mga isla ng Sulu Celebes Sea na layong palakasin ang pagbabantay laban sa mga pirata.
Ang naturang proyekto ay popondohan ng Japan sa pamamagitan ng overseas development aid budget nito.
Ayon sa ulat, sagot din ng Japan ang training para sa tauhan ng Philippine Coast Guard.
Inaasahan namang sa susunod na linggo ay malalagdaan na nina Japanese Prime Minister Shinzo Abe at Pangulong Rodrigo Duterte ang kasunduan ukol sa pagtatayo ng radar station.
Sa kalahating taon pa lang ng 2017, lumalabas na 30 kaso na ng pag-atake ng pirata ang napaulat kung saan tatlo dito nangyari sa Sulu Celebes Sea.
—-
