Handa umanong isiwalat ng convicted kidnapper na si Jaybee Sebastian ang lahat niyang nalalaman hinggil sa illegal drug trade sa New Bilibid Prison o NBP.
Ito ang inihayag ng abogado ni Sebastian na si Atty. Edgar Arriba ilang oras matapos umanong masaksak ang kanyang kliyente sa nangyaring riot sa loob ng Building 14 ng Maximum Security Compound.
Sinabi ni Arriba na bagama’t maraming nalalaman ang kaniyang kliyente, ayaw aniya nitong magsalita dahil mapanganib ito sa kaniyang buhay.
Gayunman, sinabi ni Arriba na ayon kay Sebastian, magsasalita lamang ito kung mapagbibigyan siya ng pagkakataon na makausap mismo si Pangulong Rodrigo Duterte.
By Jaymark Dagala
