Mariing itinanggi ng aktres na si Jennylyn Mercado ang umugong na balitang siya ay nagdadalantao.
Natatawang sinabi ni Jennylyn na aabot na aniya sa sampung beses ang tsismis na kanyang ipinagbubuntis ang anak nila ng boyfriend na si Dennis Trillo.
Ipinagtataka rin ng aktres kung saan nanggaling ang nasabing balita gayung ang payat niya aniya ngayon.
Iginiit pa ni Jennylyn, kahit matagal na ang relasyon nila ni Dennis ay imposibleng mabuntis siya.
Paliwanag pa ni Jennylyn, hindi niya na aniya uulitin ang nakaraan at mas makabubuting mangyari aniya ang kanyang pagbubuntis sa tamang panahon.
