Di pa man nag-iinit sa kanyang puwesto, nag-resign na bilang Executive Vice President for Entertainment ng Philippine Amusement and Gaming Corporation o PAGCOR ang singer na si Jimmy Bondoc.
Ayon sa ulat, napag-isip isip umano ni Bondoc na hindi siya angkop para sa naturang trabaho.
Maliban dito, hindi rin malinaw ang kanyang papel at trabaho sa PAGCOR lalo’t wala namang bakanteng puwesto doon.
Samantala, sinasabing sa People’s Television o PTV-4 ang ninanais lipatan ni Bondoc.
Matatandaang ang Pangulong Duterte ang nag-appoint kay Bondoc para sa naturang posisyon na kilalang taga suporta ng Presidente noong panahon pa lang ng kampanya.
By Ralph Obina
