Mag-tropa lamang sila ng kapwa Kapamilya actress na si Angelica Panganiban.
Ito ang ginawang palilinaw ng aktor na si JM de Guzman kasunod ng mga larawang ibinahagi ng dalawa sa social media.
Ayon kay JM, wala siyang planong ligawan at malabong mauwi sa pag-iibigan ang matibay na relasyon nilang dalawa ni Angelica bilang magkaibigan.
Dagdag pa ni JM, isa si Angelica sa mga kaibigan niyang tumulong sa kanya na maayos ang sarili at makabalik sa industriya matapos na malulong sa iligal na droga at magpa-rehab.
Sinabi pa ng aktor na sobra siyang nagpapasalamat sa mga ginawa at ibinigay na tulong sa kanya ng aktres.
—-
