Tuluyan nang nagbunga ang mga hakbang ng pamahalaan sa paglikha ng mas maraming trabaho para sa mga mamamayan.
Ito’y makaraang bumaba ang unemployment rate sa 4.5 percent noong April 2023 kumpara sa 5.7 percent noong nakaraang taon.
Batay sa April 2023 Labor Force Survey ng Philippine Statistics Authority (PSA), ang bilang ng unemployed persons noong April 2023 ay 2.26 million.
Sinasabing katumbas ito ng mahigit 506 thousand na pagbaba mula sa 2.76 million na unemployed noong April 2022.
Nabatid na naitala ng PSA ang 95.5 percent na employment rate noong April 2023 na mas mataas sa 94.3 percent noong April 2022.
Sumampa naman sa 48.06 million ang bilang ng may trabahong mga Pinoy noong April 2023 mula sa 45.63 million noong April 2022.
Sa datos ng PSA, ang Labor Force Participation Rate (LFPR) ay tumaas sa 65.1 percent noong April 2023.
Maliban dito, iniulat din ng PSA na ang underemployment rate sa mga kalalakihan ay mas mataas (14.6 percent) kumpara sa mga babae (10.6 percent).
Pahayag ng ahensya, ang services sector ang nananatiling may pinakamataas na bahagi ng employed persons, kasunod ang agriculture at industry sectors.
