Muling kinilala ang galing ng aktor na si John Lloyd Cruz sa pag-arte sa labas ng bansa.
Ito ay matapos tanggapin ni Cruz ang Star Asia Award para sa pelikulang ‘Honor Thy Father’ ni Erik Matti sa ginanap na New York Asian Film Festival sa Amerika nitong Linggo.
Sa Facebook page ng NYAFF, isinalarawan nito si Cruz bilang “the Philippines’ biggest star”.
Si Cruz din ang kauna-unahang Filipino at Southeast Asian actor na tumanggap ng nasabing award.
Matatandaang umani na ng papuri ang pagganap ni Cruz sa pelikula at nasungkit din niya ang kanyang unang best actor award sa Gawad Urian.
Ilan din sa Star Asia awardees ay sina Miriam Yeung ng Hong Kong at Lee Byung-Hun mula South Korea.
Samantala, present din ang Pinay actress na si Teri Malvar sa NYAFF upang tanggapin ang Screen International Rising Star Asia Award para sa pelikulang ‘Hamog’, kasama ang Filipino actors na sina Sid Lucero and Annilicka Dolonius.
Photo Credit: Screengrab from NYAFF / Facebook page
