Hindi muna makikita sa spotlight ang Kapamilya actor na si John Lloyd Cruz.
Ito’y dahil magpapahinga muna umano sa ilaw ng showbiz ang aktor.
Sa isang press statement na ipinalabas ng ABS-CBN kaugnay sa showbiz commitment ni John Lloyd, sinabi nitong nagkasundo ang network at ang aktor na mag-indefinite leave of absence muna ito para ayusin ang ilang personal matters.
Dagdag pa sa pahayag ng Kapamilya network, si John Lloyd ay magti-take ng break sa labas ng bansa at itutuloy ang kanyang mga proyekto pagkatapos ng kanyang leave of absence.
Samantala, hindi na din makakasama si John Lloyd sa gaganaping ‘Kapamilya Fiesta World’ sa Barcelona sa Oktubre 15, kasama ang iba pang Kapamilya stars.
