Muling sinariwa ng aktres at mang-aawit na si Jolina Magdangal – Escueta ang kaniyang pinakasikat na awit na humataw pa sa dance moves na “Chuva-Choo-Choo”.
Ito’y kaalinsabay ng pagdiriwang ni Jolina sa 20th anibersaryo sa kaniyang nabanggit na awitin ngayong taong ito.
Sa kaniyang Instagram post na may “#Chuva-Choo-Choo”, tinag nito ang kaniyang mga kaibigang sina Nikki Valdez na siyang gumawa ng Chuva-Choo-Choo challenge.
Sumagot naman si Nikki sa post ni Jolina at pabirong sinabi nito na siya lang ang gagawa ng nasabing challenge dahil master na ito ni Marvin Agustin.
Sa ngayon, mayroon na itong mahigit 300,000 views at 85 comments sa nasabing social media site.
