Magreretiro na ang isa sa pinaka-matinding karibal ni dating 8 division world champion Manny Pacquiao na si Juan Manuel Marquez.
Ito ang inanunsyo ni Marquez matapos magtamo ng mga injury na naging dahilan ng kanyang matagal na pagpapahinga sa boxing.
Hindi na anya aktibo ang tinaguriang “El Dinamita” simula pa noong Mayo 2014.
Plano ni Marquez noon na bumalik sa ring subalit sa edad na 43 ay hirap na itong ibalik ang dating pangangatawan nito.
Aminado naman ang Mexican fighter na naging mahirap para sa kanya na magdesisyon pero may positibo naman itong hatid dahil makapagpapahinga siya kasama ang pamilya.
Si Marquez ang ikatlong boksingero na nagpabagsak kay Pacquiao sa kanilang ika-apat na laban December 9, 2012.
