Iginiit ni Chief Presidential Legal Counsel Juan Ponce Enrile na walang criminal charge ang posibleng isampa laban kay Vice President Sara Duterte.
Ito ay kaugnay sa pahayag ng Bise Presidente na nagsasabing mayroon na siyang inutusan para patayin sina Pangulong Ferdinand Marcos Jr., Unang Ginang Liza Marcos, at House Speaker Martin Romualdez sakaling may masamang mangyari sa kanya.
Kaugnay nito, nagbabala din si Legal Counsel Enrile ang dalawang kampo na maging mapagmatyag dahil posibleng gamitin ng third-party ang pagkakataon upang samantalahin ang bangayan para sa personal na interes.
Gayunman, sinabi rin ng Chief Presidential Legal Counsel na bilang dating kalihim ng Department of Justice, ang “assasination threat” ni VP Sara ay mayroong seryosong implikasyon at ang bawat krimen ay mayroong “guilty mind” at “guilty act.” – Sa panulat ni John Riz Calata
