Isang birthday treat ang handog ni Julia Barretto sa ispesyal niyang on screen partner na si Joshua Garcia.
Noong linggo kasi, ipinagdiwang ni Joshua ang ika dalawampu’t isang taong kaarawan nito.
Kwento ni Joshua, si Julia ang gumastos ng lahat mula sa pag-rent ng isang resort sa Bulacan at maging ng mga pagkain.
Kasama aniya nila ang kapatid ni Julia na si Dani at ang boyfriend nito.
Wala rin silang ginawa doon kundi mag-relax, kumain at matulog na malaking bagay aniya para sa mga tulad nilang busy ang schedule.
Samantala, nang tanungin kung anong uri ng alahas niya maihahalintulad si Julia, sinabi ni Joshua na diamond si Julia dahil pinakamamahal niya ito.
