Pinag-aaralan na ng kampo ni Senador Bam Aquino ang mga ligal na hakbang laban kay Justice Secretary Vitaliano Aguirre.
Ito’y makaraang idawit ni Aguirre si Aquino na isa umano sa mga nakipagpulong sa maimpluwensyang Alonto – Lucman Clan ng Marawi City para ikasa ang paglusob duon ng Maute Group.
Ayon sa Senador, lubhang seryoso ang paratang laban sa kaniya at posibleng malagay sa alanganin ang kaniyang seguridad makaraang i-ugnay siya sa mga terorista.
aliban sa kaso, pag-aaralan din ni Aquino ang pagpapatawag ng imbestigasyon ng minorya laban kay Aguirre upang pagpaliwanagin ito sa kaniyang ginawa.
By: Jaymark Dagala / Cely Bueno
