Nababahala na rin si Justice Secretary Menardo Guevarra sa paglobo ng undocumented Chinese nationals at iba pang lahi sa bansa.
Bilang pag sang ayon na rin ito ni Guevarra sa pahayag ni National Security Adviser Hermogenes Esperon na security concern o threat ang pagdagsa ng Chinese nationals sa bansa.
Gayunman, nilinaw ni Guevarra na exempted dito ang mga dayuhang refugees na nais lamang ng asylum .
Inihayag naman ni DFA Secretary Teddy Boy Locsin na dapat nang itigil ang pag iisyu ng visa sa mga Chinese nationals o kaya naman ay consular offices na ang mag isyu ng visa pagkatapos matiyak ang tunay na pakay ng mga bibisitang Chinese nationals sa bansa.
