Ikinatuwa ni senador JV Ejercito ang agarang pagtanggal sa pwesto sa mga pulis na nakita sa isang CCTV footage na nagtatanim ng iligal ng droga na gagawing ebidensya.
Pero ayon kay Ejercito, dapat na tuluyang matanggal ang mga ito sa serbisyo dahil malaking kahihiyan sila sa puwersa ng Philippine National Police o PNP.
Giit ng senador, nakababahala at nakadidismaya na bukod sa pagtatanim ng shabu, nagnakaw pa ang mga nasabing pulis.
Gayunpaman, naniniwala pa rin si Senador Pamfilo Lacson na madidisiplina pa ni PNP Chief Director General Ronald Dela Rosa ang mga tauhan ng PNP.
By: Avee Devierte / Cely Bueno
