Inaalam pa ng lokal na pamahalaan ng Baler, Aurora ang kabuuang pinsala na idinulot ng bagyong Kabayan.
Ayon kay Baler Mayor Nelianto Bihasa, mahina lamang ang ulan na dala nito nang tumama sa lupa, at ilang pamilya lamang din ang inilikas.
Tiniyak naman ni Bihasa na kumpleto at sapat ang kanilang gamit para sa rescue operations at gayun din ang kanilang relief goods.
“Karamihan ay nabuwal na mga puno, poste ng kuryente, ilang pamilya lang po ang nagsilikas dahil hindi naman ganoong kalakas ang ulan pero matindi ay yung hangin, so far yung laki ng alon ay hindi naman gaano.” Paliwanag ni Bihasa.
By Katrina Valle | Ratsada Balita
