Isang kagawad ang patay matapos pagbabarilin habang nakikipag-pulong sa kanyang mga constituent sa Barangay Rosario, Pasig City.
Kinilala ang biktimang si Niki Cruz, na nakikipag-usap sa mga residente nang biglang sumulpot ang isang gunman at pinagbabaril sa ulo.
Ayon sa Pasig City Police, agad nakatakbo ang hindi nakilalang salarin kasama ang isang lookout.
Bago ang krimen ay nakatanggap umano ng mga death threat si Cruz dahil umano sa kampanya nito kontra iligal na droga.
Patuloy na iniimbestigahan ng pulisya ang nasabing krimen.—sa panulat ni Drew Nacino
