Dismayado ang mga residente sa Masinloc, Zambales matapos na walang mabiling National Food Authority (NFA) rice sa harap ng pagtama ng Bagyong Ompong.
Ayon sa ulat, dalawang kaban lamang ang ibinibenta ng nag-iisang retailer ng NFA rice sa Masinloc.
Dahil dito, mabilis na naubos ang NFA rice kahapon lalot lahat ay nagkukumahog na mag-imbak ng bigas dahil sa bagyo.
Gayunman, marami sa mga matagal na nag-intay at pumila ay walang naiuwi sa kabila ng paki-usap ng mga ito sa retailer kaya’t di na naiwasan ng mga ito na magalit at maging emosyonal.
