Pasok sa top three (3) emerging destinations ng mga Singaporean ang Kalibo, Aklan.
Nanguna naman sa emerging destinations ng Singaporeans ang Phu Quoc sa Vietnam at ang Paro sa Bhutan.
Ayon sa global travel search engine na Skyscanner, ang mga napiling emerging destinations ang mga nakitaan ng malaking pagtaas ng flight searches mula 2012 hanggang 2015.
Matatandaang dinadayo ng husto ng mga turista ang Kalibo para sa taunang Ati-Atihan Festival na idinadaos tuwing ikatlong linggo ng Enero.
Dito rin matatagpuan ang isla ng Boracay na pinangalanan ding Best Islands in the World ng Travel Magazine na Conde Nast Traveler noong 2015.
Sikat din ang Kalibo sa weaving industry nito ng pinya.
By Ralph Obina
