Kasalukuyan nang nililinis ng iba’t ibang mga ahensya ng pamahalaan ang Bubon – Virac Kias road sa Itogon, Benguet.
Ito’y makaraang matabunan ng gumuhong lupa ang nasabing kalsada dahil sa walang tigil na pagbuhos ng ulan dulot ng bagyong Fabian.
Ayon sa National Disaster Risk Reduction and Management Council (NDRRMC), tulong-tulong na ang mga tauhan ng Itogon Municipal Disaster Office at Itogon PNP kasama ang mga volunteer para alisin ang mga tambak ng lupa.
Pinayuhan naman ng NDRRMC ang mga daraan sa naturang kalsada na umiwas at humanap muna ng ibang daaanan para sa kanilang kaligtasan.
