Nilinaw ngayon ng Kamara na hindi sila magpapalit ng liderato sa kabila ng napipintong pagpapalit ng lider ng senado.
Ayon kay House Deputy Speaker at Capiz 2nd District Representative Fredenil Castro, walang ano mang grupo sa mababang kapulungan ng kongreso ang nagbabalak na magsumite ng isang resolusyon para palitan si House Speaker Pantaleon Alvarez.
Una na aniyang lumitaw sa mga balita na planong palitan si Alvarez bilang lider ng kapulungan ngunit ito’y pawang tsismis lamang.
Giit ni Castro, mananatili si Alvarez sa nasabing posisyon dahil nananatili ang respeto at kumpyansa sa kanya ng mga kapwa nila kasamahan sa kamara.
