Ipinagluluksa ng Kamara de Representantes ang pagpanaw ni dating House Speaker Prospero Nograles.
Nakawagayway ng half mast ang bandila ng bansa sa Batasang Pambansa bilang simbolo ng pakikidalamhati.
Ayon kay Cabinet Secretary Karlo Nograles, anak ng dating house speaker, mapayapang pumanaw ang kanyang pitumpu’t isang (71) taong gulang na ama dahil sa respiratory failure, secondary to pneumonia.
Nakatakdang ilipat pauwi sa kanilang tahanan sa Davao ang labi ni Nograles bukas, pagkatapos ng necrological services sa Kamara.
