Binomba ng militar ang kampo ng ASG o Abu Sayyaf Group sa Barangay Macalam, Al Barka, Basilan mag-a-alas 3:00 ng madaling araw kahapon.
Ayon kay Philippine Army 1st Infantry Division public affairs officer Major Richard Enciso, ginamit nila sa airstrike ang isang fighter jet ng Philippine Airforce.
Sinabi ni Enciso na ito ang kampo na dating pinagkutaan ng ilang pinuno ng Abu Sayyaf na sina Furuji Indama at Nurhasan Jamiri.
Pero, hindi aniya tiyak kung naroon ang mga ito nang mangyari ang pambobomba.
Bagamat walang nakitang bangkay sa lugar na binomba ng militar, naniniwala naman si Enciso na may napuruhang mga terorista lalo’t may nakitang mga mantsa ng dugo sa tinarget na kampo ng ASG.
By: Meann Tanbio / Jonathan Andal
