Tinawag na fake news ng kampo ni Kingdom of Jesus Christ Leader Pastor Apollo Quiboloy ang ulat ng Hawaii News dot Com na naaresto ito at nanatili ng isang araw sa Hawaii.
Batay sa inilabas na pahayag ng Kingdom of Jesus Christ, hindi inaresto si Quiboloy sa Hawaii, sa halip ay sumailalim ito sa random check sa paliparan duon kasama ang limang iba pa.
Bagama’t inamin ng tagapagsalita ni Quiboloy na si Atty. Bobet Torreon na may dala ngang armas ang grupo ng pastor, pero iginiit nitong pagmamay-ari iyon ng security detail ni Quiboloy.
Gayunman, tumanggi nang magsalita si Torreon sa malaking halaga ng salaping nakuha ng Hawaii Customs sa eroplano ni Quiboloy na nagkakahalaga ng 350,000 Dolyar na cash na sinasabing pagmamay-ari ng US Citizen na si Felina Salinas.
Posted by: Robert Eugenio
