Na-disqualify sa pageant dahil sa kaniyang height si Miss Philippines Earth 2022 candidate Michele Angela Okol na taga Del Carmen, Surigao del Norte.
Sa Instagram post ng kandidata, kaniyang inanunsiyo na hindi na niya itutulak ang kaniyang sarili na abutin ang kaniyang pangarap na maging isang beauty queen.
Sinabi ni Michele na siya ay nagsumikap maging ang kaniyang pamilya at team para maitayo ang mga materials na kailangan sa naturang pageant pero nabalewala lahat ito dahil sa kaniyang height.
Dagdag pa ng kandidata, hindi pasok sa standard ng pageant ang kaniyang height at posible umanong ma-bash ang Miss Philippines Earth Organization kung hahayaan nilang makapasok ang mga gustong lumahok na mababa sa height na 5’4.
Iginiit din ng kandidata na hindi sila naabisuhan at nasukat ng maaga kaya hindi nila ito agad nalaman kung saan, nakahanda na sana siya para sa online at harapang kumpetisyon.
Sa kabila nito, pinasalamatan parin ni Michele ang naturang organisasyon sa pagkakataong ibinigay para sakaniya.
