Nagtalaga na si Pangulong Rodrigo Duterte ng officer in charge para sa Department of Health o DOH at Department of Department of Information and Communications Technology o DICT.
Ito ay makaraang mabigong makalusot sa Commission on Appointments o CA si dating Health Secretary Paulyn Ubial at pagbibitiw sa puwesto ni DITC Secretary Rodolfo Salalima.
Pormal nang itinalaga si Undersecretary for Operations Herminigildo Valle bilang OIC ng DOH kapalit ni Ubial.
Si Valle ay unang itinalaga ng Malacañang bilang chief of staff ng DOH noong nakaraang buwan.
Habang si DITC Undersecretary Eliseo Mijares Rio naman ang inilagay na kapalit ni Salalima bilang OIC ng nasabing ahensiya.
(Ulat ni Jopel Pelenio)
