Kinumpirma ni Kapuso Primetime King Dingdong Dantes na nagpositibo siya at ang kaniyang pamilya sa COVID-19.
Sa isang video na inupload ni Dingdong sa Facebook, ibinahagi nito ang kanilang mga naranasan sa nakalipas na dalawang linggo.
Sinabi pa ng primetime king na hindi nila alam kung saan at paano sila nahawa ng sakit.
Mabuti na aniya ang kanyang pakiramdam at handa na rin siyang bumalik sa trabaho.
Nagpapasalamat naman ang aktor sa mga tumulong sa kanila, lalo na sa kanilang mga kamag-anak, kaibigan at fans.
Pinaalalahan din ni Dingdong ang publiko na huwag ikahiya kung magka-COVID at dapat din aniyang magpabakuna at booster shots.
